Himalay Kömürünün Faydaları
Təbiət Ananın böyük bir heyranı olduğumuzu bilirik və sizin də elə olduğunuzu düşünürük. Onun dahiyanə ixtiraları bizi daim valeh edir və heç biri aktiv kömür qədər möhtəşəm deyil. Kömür tərkibli üz baxımı bir neçə fərqli şəkildə həyata keçirilir – yuma, maska. Bəs niyə bir Charles Dickens romanındakı baca təmizləyicisinə bənzəməyimizə səbəb olan bir gözəllik məhsulu bir neçə dəqiqə sonra bizi gənc və parlaq göstərir? Bu müddət ərzində nələr baş verir? Bütün bunları izah edəcəyik və sizi ən çox bəyənilən kömür əsaslı məhsullarımızla tanış edəcəyik.
Kömür nədir?
Kömür odun və ya bambuk kimi orqanik bir maddənin qızdırılması nəticəsində yaranan qara qalıqdır. Lakin texniki olaraq danışsaq (nə də olsa burada ixtisaslaşmağa çalışırıq), gözəllik məhsullarında "himalay kömürü" istifadə edirik. Bəs bu nədir və möhtəşəm dərimiz üçün nə ifadə edir? Hopma qabiliyyətini artırmaq üçün adətən buxarla işlənir. Yəni çox yaxından baxsanız süngərə bənzər bir quruluşa malik olduğunu görərsiniz. İndi isə sizi təəccübləndirəcək bir məlumat – bir qram himalay kömürün üç Olimpiya üzgüçülük hovuzuna bərabər, 3000 kvadratmetrlik bir sahəni əhatə etdiyi təxmin edilir. İnanılmazdır, elə deyilmi? Bu ağıllı orqanik maddə kirlər üçün sanki yapışqan kimidir; dərini təmizləmək və dərinləşdirilmiş baxım üçün inanılmaz dərəcədə
Kömürümüz necə və haradan tədarük edilir?
Kömür ağaclardan əldə edilirsə, Təbiət Ana bu vəziyyətdən o qədər də məmnun olmaya bilər deyə düşünə bilərsiniz. Eyni fikirdəyik, məhz buna görə də kömürümüzü Himalay dağlarının ətəklərində yetişən bambudan əldə edirik. Yəni bambu təkcə sevimli nəhəng panda dostlarımız arasında deyil, həm də ekoloji cəhətdən düşüncəli insanlar arasında populyardır. Bunun səbəbi bambunun ən davamlı kömür mənbələrindən biri olması və son dərəcə dayanıqlı bir bitki kimi heç bir kömək olmadan sürətlə yenilənə bilməsidir. İşləri daha da mükəmməl hala gətirmək istəyirmiş kimi, bambu sapları yetkinləşdikcə səth sahələrini artıraraq getdikcə daha məsaməli hala gəlir. İnanılmaz olsa da, 10 qram bambu kömürünün 600 kvadratmetrlik bir sahəni əhatə etdiyi mənasına gəlir. Bu da bambunu, üzünüzü əzizləmək üçün istifadə olunan super emici aktiv karbonun əldə ediləcəyi mükəmməl material halına gətirir.
Aktiv kömürün dəriyə faydaları nələrdir?
Bunların hamısı çox gözəldir, amma indi dəri sağlamlığı sahəsində kömürdən kimin faydalandığını və kömürün dəqiq olaraq hansı faydaları olduğunu anlamalıyıq. Kömürün uğurunun böyük hissəsi, super hopucu olmasından və kir, artıq yağ və ölü dəri hüceyrələri kimi dəri düşmənlərini özünə çəkə bilmə qabiliyyətindən qaynaqlanır. Əgər yağlı, ləkəli və ya qarışıq dəri tipinə sahibsinizsə (bəlkə də problemli bir T bölgəniz var), kömürün dəri üzərindəki təsirləri haqqında məlumat almaq üçün indi çox diqqətlə dinləyin.
Yağ hopdurucudur
Dərinin alt qatında yerləşən yağ vəzləri cildi qorumaq üçün sebum adlanan xüsusi bir maddə ifraz edir. Sebum dəri sağlamlığı üçün həyati əhəmiyyət daşıyır, lakin bəzən hormonal dəyişikliklər zamanı həddindən artıq sebum istehsal edə bilirik. Tamamilə təbii və normal olmasına baxmayaraq, bu hal gözəl üzümüzü bir çoxumuzun istədiyindən bir az daha parlaq hala gətirə bilər. Kömür tərkibli dəri baxımı məhz bu nöqtədə işə qarışır. Super məsaməli quruluşu ilə yağı sürətlə əmir və gülən üzlərimizdəki yağ görünüşünü azaltmağa kömək edir.
Dərini matlaşdırır
Matlaşdırma həddindən artıq sebumdan qaynaqlanan parıltını azaltmaq mənasında istifadə edilən bir termindir. Dərimizin getdikcə daha çox yağ istehsal etməsi qarşısını ala bilmədiyimiz bir vəziyyət ola bilər. Kömür seriyamız yağı udmaqda olduğu kimi, dərini matlaşdırmaqda da yüksək performans göstərir. Bunu isə artıq yağı çıxarmaq üçün malik olduğu inanılmaz qabiliyyət sayəsində edir. Kömür tərkibli məhsullar kirləri aradan qaldırmaqdan böyük həzz aldıqları üçün, məsamələrin görünüşünü azaltmağa da kömək edə bilirlər. Kömürün dəriyə faydaları arasında daha bir mükəmməl nəticə budur!
Dərini təmizləyir
Kömür tərkibli üz yuma məhsulları və üz maskaları dərini dərinləşdirilmiş şəkildə təmizləyərək məsamələrdəki tıxanma hissini azaltmağa inanılmaz dərəcədə kömək edir. Çöldə keçirdiyiniz yorucu bir günün ardından ehtiyacınız olan şey məhz budur. Kömürün kirlərə yapışmaq və ölü dəri hüceyrələrini ayrılmaq vaxtının gəldiyinə incə şəkildə inandırmaq kimi bir qabiliyyəti var. Super hopdurucu quruluşu kirləri özünə çəkir və siz üzünüzü yuyarkən bütün çirkləri aradan qaldırır.
Dərinizin donuq görünüşünü azaldın !
Kömürün gündəlik kir və ölü dəri hüceyrələrini tamamilə təmizləmə həvəsi və istəyi xoş bir sonla nəticələnir: sürprizlərlə dolu bu məhsul sayəsində, donuq və boz bir qışın hüznündən xilas olmuş bir üzü əldə edirsiniz; indi üzünüz baharın sevincilə parıldayır. Kömürün təqdim etdiyi bir çox üstünlüklərdən yalnız biri budur. Əksər kömür məhsullarını həftədə bir dəfə istifadə edə bilərsiniz, yenidən zombiyə dönməyə heç ehtiyac yoxdur.
Təmizləyici kömür dəri baxım seriyamızı kəşf edin!
Təbiətin palçıq dolu mühitində yuvarlanmaqdan başqa heç nədən bu qədər zövq almayan bütün əziz çirkli balalar! Palçığa bənzər möhtəşəm təmizləyici dəri baxım seriyamıza xoş gəldiniz. Bütün bu məhsullar dəri baxım rutininizin təmizlik və arındırma hissəsi ilə məşğuldur, buna görə də onları sevimli məhsullarınızın arasına əlavə edə bilərsiniz. Yağlı, tıxanmış və ya ləkəli dəriniz varsa, kömür əsaslı məhsullarımız məhz axtardığınız şey ola bilər. Bu məhsullar dərini təmizləyir, matlaşdırır və kir ilə ölü dəri hüceyrələrini məsamələrinizdə narahat hiss etməyə məcbur edir. Dərinizlə bağlı bu cür problemlər yaşamasanız belə, həyatınızın önəmli anlarından biri yaxınlaşır ola bilər və bu super təsirli məhsullar, parlaq və sağlam dəriyə sahib olmağınıza kömək edəcək. İndi ön plana çıxa bilərsiniz, çünki kömür dəri baxım seriyamızla möhtəşəm bir parıltıya sahib olacaqsınız!
Himalay kömürü ilə təmizləyici maska
Himalay Kömürü Toksinlərdən Təmizləyici Maskamız gözəllik dünyasında əsl bir super ulduzdur; hamımızın parlamasına kömək etməsi ilə tanınır. Bu vegan palçıq həvəskarı möhtəşəm Himalayalardan gələn bambu kömürü, yaşıl çay yarpaqları və Yerli Ticarət çay ağacı yağı ilə formullaşdırılmışdır. Möhtəşəm, canlandırıcı bir tərkibə malikdir – bu iddialı tekstura sizə dərhal özünüzü peşəkar əllərdə hiss etdirir. Bəs kömür maskası nə işə yarayır deyirsiniz? Kömür maskası kirləri təmizləməyə, məsamələrin görünüşünü yaxşılaşdırmağa və dərinizə sağlam bir parıltı bəxş etməyə kömək edir. Həftədə 2-3 dəfə istifadə edə bilərsiniz. Gözləriniz və burnunuz kimi həssas bölgələrə dəyməməsinə diqqət edərək, təmiz dəriyə Yüz Maskası Fırçası ilə nazik bir qat şəklində tətbiq edin. 5-10 dəqiqə gözləyin və sonra dairəvi hərəkətlərlə yuyaraq yüngül peeling effekti yaradın. Kömür maskasının faydaları ilk istifadədə belə dərinizə bəxş etdiyi sağlam görünüşlə özünü göstərəcək!
Himalayan charcoal təmizləyici gilli üz yuma geli
Gün ərzində çirklənməyə məruz qalacağınız bir gündürsə – şəhərdə yaşayan bir çoxumuz bunun qaçılmaz olduğunu qəbul edirik – Himalay Kömürü Təmizləyici Gilli Üz Yuma Geli evə çatan kimi günün çirkini yumaq üçün hamama qaçma səbəbiniz olacaq. İpək kimi yumşaq teksturaya malikdir və Himalayın ətəklərindən əldə edilən bambuk kömürü, kaolin gil və Keniyadan Yerli Ticarət çay ağacı yağı tərkiblidir. Əllərinizi və üzünüzü bir qədər su ilə isladın, sonra ovucunuza az miqdarda məhsul sıxaraq krem kimi köpük əldə edənə qədər əllərinizi ovuşdurun. Dairəvi hərəkətlərlə üzünüzü masaj edin və yaxşıca durulayın. Gün ərzində yorulmadan işləyən bu üz yuma geli dərini təmizləyir, parlaq görünməsinə kömək edir və eyni zamanda məsamələrin görünməsini azaltmağa yardımçı olur.
Dərimi başqa necə təmizləyə bilərəm?
Canlı və sağlam bir dəriyə sahib olmaq üçün dəriyə qulluq rutini yaratmalı və bu rutində kömürə yer verməyinizin vacib olduğu aydındır. Təbiətin möcüzələrini unikal formulalarla birləşdirən THE BODY SHOP Himalay Kömürü seriyası – kömür maskası, kömürlü üz yuma geli və kömürlü təmizləyici sabun – rutininizin mükəmməl bir parçası olmağı bacarsa da, bir az daha dəstəyə ehtiyacınız var. Qüsursuz bir təmizləyici dəriyə qulluq üçün etməli olduqlarınız var.
Bol-bol su için
Bol miqdarda təzə H₂O çirklərin təbii yollarla təmizlənməsi üçün bədəninizə kömək etməyin əla bir yoludur. Bədənimizin ən az 60%-i sudan ibarətdir, buna görə də bədənimizdəki su səviyyəsini yüksək tutmaq vacibdir. İçdiyiniz suyun miqdarı qədər ayaqyoluna getdiyinizi fərq etmiş ola bilərsiniz, bəs nə qədər su içmək lazımdır? Populyar fikrə görə 2 litr – bu, bədəninizdən kifayət qədər su keçməsinə və toksinlərin atılmasına kömək edəcək ideal miqdardır. Günü daxili təmizliklə başlamaq üçün səhər ilk olaraq limon damlatdığımız bir stəkan isti su içirik.
Dərinizi nəmləndirin
Əgər daha əvvəl üz baxımı üçün gözəllik mütəxəssisinə getmisinizsə, buxar aparatı ilə bağlı təcrübəniz ola bilər. İlıq və rütubətli havası dərinizdə dolaşaraq məsamələri açır, bütün çirklərdən qurtulmanıza və dərin təmizlik hissi yaşamanıza kömək edir. Bunun üçün gözəllik mütəxəssisinə getməyə ehtiyac yoxdur; sadəcə bir kasanı və ya ləyəni isti su ilə doldurub başınıza bir dəsmal örtməyiniz kifayətdir. Buxarın təsir etməsi üçün 3-4 dəqiqə gözləyin – təmizlik maskası tətbiq etmədən əvvəl hazırlıq üçün əla üsuldur. Himalay Kömürü ilə Təmizləyici Maska ilə gil tərkibli mükəmməl bir təmizlik üçün ideal vaxtdır.
Çay ağacı
Təmizləmə mövzusunda səhnənin tək ulduzu yalnız Kömür seriyamız deyil. Çay Ağacı seriyamız da dərinizin çirklərdən uzaq qalmasına kömək etməkdə əfsanəvidir. Təmizləmə gücü ləkəli dəri üçün uyğundur; artıq yağı əmərək dərinizin təmizlənməsinə kömək edir. Ən yaxşı çay ağacı məhsullarından ibarət geniş bir çeşidimiz var.
Dəniz Yosunu
Dərini mükəmməl şəkildə təmizləmə xüsusiyyətinə malik bitkilər təkcə quruda yetişənlər deyil. Dəniz qızları bunu sizə çoxdan söyləyərdi, amma fürsət düşmüşkən biz də qeyd edək; İrlandiyanın Roaring Water Bay sahillərindən gələn mineral baxımından zəngin Dəniz Yosunu seriyamız artıq yağı təmizləyərkən dərinizin hamar və nəmli hiss etməsini təmin edir. O halda noxud yaşılı qayığınıza atılaraq dəniz yosunu komandasını yoxlamaq üçün yelkən açın.
