Doğru Daraq Seçimi Saçlarınız Üçün Niyə Vacibdir?
Saçlarımızın sağlam və baxımlı görünməsi yalnız saç baxım məhsulları seçimindən asılı deyil. Gündəlik saç baxımında diqqət edilməli əsas faktorlardan biri də istifadə etdiyimiz daraq növüdür. Saçların tez qırılması, dolaşması, hətta saç tökülməsinin bir hissəsi yanlış daraq seçimindən qaynaqlana bilər. Saç tipi və quruluşuna uyğun olmayan daraq, saç tellərinə zərər verə, baş dərisini qıcıqlandıra və saçların təbii formasını poza bilər. Həmçinin, saç dərisindəki təbii yağların tellər boyunca yayılması da doğru daraqla daha effektli baş verir. Daraq, həm saç estetikasında, həm də sağlamlığında mühüm rol oynayan vasitələrdən biridir. Saç tellərinin möhkəmliyi, elastikliyi və parlaqlığı, düzgün daraqla daha da yaxşılaşa bilər. Əks halda, saçlar zamanla solğun görünə və dartınma nəticəsində zəifləyə bilər. Unutmaq olmaz ki, saçlarımız da eynilə dəri kimi gündəlik baxıma ehtiyac duyur. Bu baxımda doğru daraq seçimi, tez-tez unudulan, amma vacib amillərdəndir. Odur ki, saçınızın sağlamlığını qorumaq və saç baxım rutininizi gücləndirmək üçün saç tipinizə uyğun daraq seçməyə diqqət yetirmək mütləqdir.
Hansı saç tipi üçün hansı daraq uyğundur?
Saçların müxtəlif tipləri var: qıvrım, düz, incə, qalın, zəif telli və ya güclü strukturlu. Hər bir saç tipi üçün ideal daraq forması və materialı fərqli ola bilər. Daraq seçimi saçların quruluşuna uyğun olmadıqda saçlara zərər verə bilər və saç baxımınızı daha çətin hala gətirə bilər. Uyğun daraq saçları daha rahat açır, qırılma və tökülməni azaldır, saçın formasını qoruyur. Saç tipi düzgün müəyyənləşdirildikdən sonra seçiləcək daraq həm estetik baxımdan gözəl nəticə verir, həm də saçın sağlamlığını qoruyur. Bu səbəblə, saç məhsulu alarkən necə şampun seçiminə diqqət edirsinizsə, darağa da eyni qayğı ilə yanaşmalısınız. Aşağıdakı bölmələrdə müxtəlif saç tipləri üçün uyğun daraq tövsiyələrini təqdim edirik.
Qıvrım və qalın saçlar
Qıvrım və qalın saçlar tez dolaşan, darandıqda dartınan və tez zədələnə bilən saç tiplərindəndir. Bu tip saçlar üçün geniş dişli daraqlar və ya barmaq uclu silikon fırçalar ideal seçimdir. Geniş dişli daraq saçın təbii formasını pozmadan dolaşıqları açmağa imkan verir. The Body Shop-un təbii buruqlar üçün darağı zərər vermədən saçlarınızı daramağa imkan verir. Saçlar yaş və ya nəm halda darandıqda, bu tip daraqlar saçın elastikliyini qorumağa kömək edir. Metal və sıx dişli daraqlar isə bu saç tipində qırılmalara səbəb ola bilər. Qalın saçlarda saç dərisinə masaj funksiyası olan fırçalar da faydalıdır. Saç baxımı zamanı saç kremi və maska çəkilib bu tip daraqlarla daramaq daha yaxşı nəticə verir. Həm də qıvrım saçın təbii formasını qorumaq üçün darama yönü aşağıdan yuxarıya doğru olmalıdır. Hər zaman fırçanın dişləri saç dərisinə yumşaq şəkildə toxunmalıdır. Qıvrım və qalın saçlarda istiliklə formalandırma zamanı fırçanın istilik davamlı materialdan olması da vacibdir.
İncə və zəif telli saçlar
İncə və zəif saç telləri çox zərif quruluşda olduğu üçün yanlış daraqla darandıqda dərhal zədələnə bilər. Bu səbəbdən, yumşaq dişli daraqlar və ya təbii tüklü fırçalar daha uyğundur. Belə saçlar üçün uyğun darağa nümunə olaraq The Body Shop məhsullarından oval bambuk şotka daraq göstərilə bilər. Bu tip daraqlar saçlara yumşaq toxunuş edərək saçların dartılmasını və qopmasını minimuma endirir. Plastik dişli və sərt uclu daraqlardan istifadə olunmamalıdır, çünki bu materiallar saç dərisinə də zərər verə bilər. Yumşaq fırçalar saçın təbii yağlarının saç boyu bərabər paylanmasına da yardım edir. Saçların yaş halda deyil, yarı quru halda daranması daha az zərərlidir. Həmçinin, bu tip saçlara həcm verən fırçalar istifadə olunarsa, saçlar daha canlı və dolğun görünər. Gündə bir neçə dəfə daramaq əvəzinə, səhər və axşam nizamlı şəkildə daramaq kifayət edir. İncə saçlarda qırılma riski yüksək olduğundan darama prosesi çox diqqətlə və mərhələli şəkildə aparılmalıdır.
Uzun və düz saçlar
Uzun və düz saçlar üçün ən vacib amil saçın uclardan qopmadan və dolaşmadan darana bilməsidir. Buna görə də yastı fırçalar və ya antistatik xüsusiyyətli daraqlar uzun saçlar üçün ideal seçimdir. Bu zaman yardımınıza iri bambuk şotka daraq çatacaq. Bu tip daraqlar saç boyu sürüşərək elektriklənmənin qarşısını alır və saçları hamar formada saxlamağa yardım edir. Fırçanın dişləri saç uzunluğuna görə orta sərtlikdə və elastik olmalıdır. Uzun saçlar daha çox dolaşdığı üçün darama zamanı saçların ucundan başlanmalı və yuxarıya doğru davam edilməlidir. Həmçinin, baş dərisinə masaj edən daraqlar istifadə olunarsa, saç kökləri güclənər və saç uzanması da sürətlənə bilər. İsti fırçalar və keramika əsaslı daraqlar düz saçlara forma vermək və elektriklənməni önləmək üçün də faydalıdır. Uzun saçlarda tez-tez daramaq saçların parlaqlığını qoruyur və təmiz görünüş bəxş edir. Antistatik və geniş səthli daraqlar isə bu məqsədlə daha effektlidir.
Təbii materiallı daraqların üstünlükləri
Təbii materiallardan hazırlanmış daraqlar (taxta, bambuk, buynuz və ya təbii tüklər) saç baxımında xüsusilə tövsiyə olunur. Bu cür daraqlar saç dərisi ilə kimyəvi reaksiya vermir və saçların təbii strukturunu qoruyur. Plastik daraqlarla müqayisədə elektriklənməni azaltma xüsusiyyətinə malikdirlər. Təbii material saç dərisini qıcıqlandırmır, əksinə, masaj effekti ilə qan dövranını artıraraq saç köklərinin qidalanmasına yardım edir. Məsələn bambuk daraqlar nəmi udmur, antibakterial xüsusiyyətə malikdir və uzunömürlüdür. Təbii tüklü fırçalar isə saçların parlaqlığını artırır və dəridəki yağların tellərə yayılmasını asanlaşdırır. Bu da saç uclarının qurumasının qarşısını alır. Təbii materiallı daraqlar ekoloji baxımdan da daha faydalıdır, çünki təbiətə zərər vermədən istehsal olunur. Saç tökülməsi və qırılmalara qarşı daha yumşaq və təhlükəsizdirlər. Buna görə də gündəlik saç baxımınızda The Body Shop-un daraqlarından istifadəyə üstünlük verilməsi tövsiyə olunur.
Saç tökülməsinin qarşısını almaq üçün doğru darağın rolu nədir?
Saç tökülməsi bir çox faktordan qaynaqlana bilər. Bunlara stress, hormonal dəyişikliklər, qidalanma pozğunluğu və s aid ola bilər. Lakin fiziki amillərdən biri də yanlış daraq seçimidir. Sərt uclu, sıx dişli və plastik daraqlar saç dərisini zədələyərək tökülməni sürətləndirə bilər. Doğru daraqla isə saçların daha sağlam və güclü olması təmin edilə bilər. Baş dərisinə uyğun elastik və yumşaq daraqlar qan dövranını stimullaşdırır və saç köklərini qidalandırır. Daraqların dişləri saç dərisini dartmadan və qıcıqlandırmadan hərəkət etməlidir. Eyni zamanda, darama istiqaməti də vacibdir, saçınızı yuxarıdan aşağıya doğru, yavaş və diqqətli şəkildə daramaq saç tökülməsinin qarşısını ala bilər. Hər bir insan saç tökülməsi yaşadıqda sadəcə kosmetik məhsullara deyil, eyni zamanda darağına da diqqət yetirməlidir. Sağlam və parlaq saçların qorunması üçün daraq sadə görünən, amma təsirli bir vasitədir.