Bədən Yoqurtu Nədir və Kremdən Nə İlə Fərqlənir?
Dəriyə qulluq məhsulları arasında son illərdə populyarlıq qazanan bədən yoqurtu həm rahat istifadə, həm də dəriyə verdiyi yüngül və tez hopan tekstura ilə seçilir. Çoxları üçün yenilik olan bu məhsul ənənəvi bədən kremləri ilə müqayisədə fərqli struktura, istifadə məqsədinə və nəticələrə malikdir. Bədən yoqurtu, əsasən, yüngül, hava kimi teksturaya malik olan və dəridə yağlı hiss buraxmadan tez hopan nəmləndirici dəriyə qulluq məhsuludur. Bu məhsul adını konsistensiyasına görə yoqurtla müqayisə olunan hamar və krem-yoqurt arası quruluşundan alır. Bədən yoqurtları adətən su əsaslı olur və bu səbəblə də dərinin səthinə yayıldıqdan sonra bir neçə saniyə içində tamamilə hoparaq dərini təravətli və rahat hiss etdirir. Onların əsas məqsədi dərini nəmləndirmək, yüngül qoruyucu təbəqə yaratmaq və dəridə yumşaqlıq hissi yaratmaqdır. Bədən yoqurtu gündəlik qulluq rutininə daxil edilə bilər və adətən duşdan sonra istifadə olunması tövsiyə edilir. Çünki isti duş dərinin məsamələrini açır və bu zaman tətbiq olunan məhsullar dəriyə daha dərin nüfuz edir. İstifadə zamanı məhsul əllə götürülüb dairəvi hərəkətlərlə bütün bədənə yayılır və bir neçə dəqiqə içində tam hopur. İsti yay günlərində və ya nisbətən yağlı dərilərdə istifadə üçün xüsusilə ideal hesab olunur.
Bədən yoqurtunun faydaları nələrdir?
Bədən yoqurtu dərini yüngül şəkildə nəmləndirməklə yanaşı, ona təravət və rahatlıq da bəxş edir. Bədən yoqurtlarının tərkibində adətən təbii ekstraktlar, vitaminlər və antioksidantlar olur ki, bu maddələr dəriyə həm nəmləndirici, həm də qoruyucu təsir göstərir. Bundan əlavə, bəzi bədən yoqurtları sakitləşdirici təsirə malikdir və günəş şüalarına məruz qaldıqdan sonra dəriyə qulluq üçün ideal seçim sayılır. Belə məhsullara The Body Shop-dan badam südü tərkibli bədən yoqurtu aid ola bilər. Bu məhsullar qıcıqlanmış və susuz qalmış dərini rahatlaşdırmağa kömək edir, dərinin elastikliyini artıraraq onu daha hamar və canlı göstərir. Gün ərzində havadan, günəşdən və digər ətraf mühit təsirlərindən zərər görən dəriyə müdafiə təbəqəsi yaradır. Bədən yoqurtunun sevilməsinin əsas səbəblərindən biri onun fərqli və zərif ətir seçimləri ilə təqdim olunmasıdır. Bu məhsullar dəridə uzun müddət qalan xoş qoxu bəxş edərək həm təravət hissi yaradır. Nəhayət, dəridə tez hopma xüsusiyyəti sayəsində bədən yoqurtu tətbiq edildikdən dərhal sonra paltar geyinmək mümkündür, bu da onu gündəlik istifadə üçün olduqca praktik edir.
Bədən yoqurtu və krem arasındakı əsas fərqlər nələrdir?
Bədən yoqurtu ilə krem arasında ilk nəzərə çarpan fərq onların teksturası və hopma sürətidir. Bədən yoqurtları daha yüngül, sulu teksturaya malikdir və dəriyə sürətlə hopur. Əksinə, bədən kremləri daha qalın, yağlı və qidalandırıcı formulalara sahibdir, bu da onların dəridə uzun müddət qalmasına və daha dərin nəmləndirmə təmin etməsinə səbəb olur. İkinci fərq istifadə məqsədləridir. Bədən yoqurtları daha çox gündəlik, xüsusilə yay aylarında istifadə üçün nəzərdə tutulmuşdur. Onlar dərini yükləmədən nəmləndirir. Krem isə quru, çatlamış və xüsusi baxım tələb edən dəri üçün daha uyğundur. Həmçinin, yoqurtlar dəridə təbii bir parıltı buraxarkən, kremlər yağlı iz və parlaqlıq hissi yarada bilər. Bu, şəxsi komfort və ehtiyaca görə seçim etməyi zəruri edir. Ətir məsələsində də fərq var: bədən yoqurtları daha yüngül və tez uçucu ətirli ola bilər, krem isə daha qalıcı ətir buraxa bilər.
Bədən yoqurtu alarkən nələrə diqqət etmək lazımdır?
Bədən yoqurtu seçərkən dərinin növü və ehtiyacları əsas meyar olmalıdır. Əgər dəriniz yağlı və sızanağa meyllidirsə, yüngül formulalı, sızanaq yaratmayan bədən yoqurtlarına üstünlük verilməlidir. Quru dəri üçün isə The Body Shop məhsullarından avokado tərkibli yoqurt da kifayət qədər effektlidir. Xüsusilə həssas dəriyə sahib olanlar üçün tərkibində paraben, süni rəngləndiricilər və ətir olan məhsullardan uzaq durmaq tövsiyə olunur. Təbii ekstraktlı, dermatoloji testdən keçmiş məhsullar daha təhlükəsiz seçimdir. Məhsulun qoxusu da vacib faktordur, çünki bədən yoqurtu gün ərzində dəridə qalır və xoşagəlməz qoxular narahatlıq yarada bilər. Bundan əlavə, məhsulun qablaşdırılması da praktik olmalıdır.
Bədən yoqurtunun istifadə qaydası və tətbiq mərhələləri
Bədən yoqurtundan istifadə etmək hər nə qədər sadə görünsə də, maksimum fayda əldə etmək üçün düzgün tətbiq qaydalarına riayət olunmalıdır. İlk olaraq, məhsulun təsirini artırmaq üçün dəri təmiz və bir qədər nəm olmalıdır. Ən ideal vaxt isə duşdan dərhal sonradır, çünki bu zaman dəri məsamələri açıq olur və məhsulu daha yaxşı qəbul edir. Kiçik bir miqdarda bədən yoqurtu ovuclara götürülərək bədənin bütün hissələrinə dairəvi və yumşaq hərəkətlərlə yayılmalıdır. Diz, dirsək və topuq kimi quruluğa meyilli bölgələrə xüsusi diqqət yetirilməsi vacibdir. Tətbiq zamanı yüngül masaj hərəkətləri qan dövranını stimullaşdırır və yoqurtun dərinin dərin qatlarına nüfuz etməsini asanlaşdırır. İstifadədən sonra dəri yağlı və yapışqan hiss edilməməli, əksinə yüngül, təravətli və hamar bir hiss yaratmalıdır. Bədən yoqurtu gündəlik qulluq üçün uyğundur və xüsusilə səhər və axşam duşdan sonra istifadə edildikdə daha təsirli olur. İsti yay aylarında bədən yoqurtunu soyuducuda saxlamaq onun dəriyə tətbiq olunduqda daha sərinləşdirici və rahatladıcı təsir göstərməsinə kömək edir.